На прадпрыемстве ў Брэсцкім раёне загінуў непаўналетні

9 кастрычніка, Позірк. Пра гібель 17-гадовага падсобнага рабочага на адным з прадпрыемстваў Брэсцкага раёна паведаміла прэс-служба Следчага камітэта 8 кастрычніка.

Гэта адбылося падчас выпрабавання вентыляцыйнай прытокавай устаноўкі.

Па даных следства, непаўналетні знаходзіўся каля абсталявання: “Струменем паветра яго зацягнула ўнутр устаноўкі, у выніку чаго ён атрымаў смяротныя траўмы“.

Малады чалавек быў працаўладкаваны па дамове падраду.

На месцы здарэння працавала следча-аператыўная група, прызначаны экспертныя даследаванні.

Брэсцкі міжраённы аддзел СК распачаў крымінальныя справы ў дачыненні да адказных асоб паводле ч. 2 арт. 306 (парушэнне правілаў аховы працы, якое пацягнула па неасцярожнасці смерць чалавека) і ч. 1 арт. 144 (прычыненне смерці па неасцярожнасці) КК.