Грамадзянін Германіі выязджаў з Беларусі на BMW, што быў у вышуку, аўтамабіль канфіскавалі польскія памежнікі
29 кастрычніка, Позірк. Пра спробу грамадзяніна Германіі ўехаць з Беларусі на аўтамабілі BMW M440i, які знаходзіцца ў вышуку ў ФРГ, паведаміла 29 кастрычніка Памежная ахова Польшчы.
Аўтамабіль, пра які ідзе гаворка, 2024 года выпуску, яго кошт ацэнены ў 220 тыс. злотых (каля 56 тыс. долараў).
Грамадзянін Германіі ўязджаў у Польшчу праз пункт пропуску Цярэспаль (з беларускага боку — Брэст), супрацоўнікі памежнай службы затрымалі машыну. Кіроўцу і аўтамабіль перадалі паліцыі для далейшых працэсуальных дзеянняў.
Паведамляецца, што з пачатку 2026 года супрацоўнікі Надбужанскага падраздзялення Памежнай аховы Польшчы выявілі 150 такіх аўтамабіляў агульным коштам больш за 14 млн злотых (3,5 млн долараў).
