Прэзідэнт рэгіянальнага кангрэса СЕ пра праблемы з дакументамі ў беларусаў за мяжой: Мы ведаем пра гэтую сітуацыю і ставімся да яе вельмі сур’ёзна
Прэзідэнт КМРУ СЕ Гюн Марыт Хельгесэн
29 кастрычніка, Позірк. Кангрэс мясцовых і рэгіянальных уладаў (КМРУ) Савета Еўропы абазнаны, у якой складанай сітуацыі знаходзяцца беларусы за мяжой, заявіла на брыфінгу 29 кастрычніка ў Страсбургу (Францыя) прэзідэнт КМРУ Гюн Марыт Хельгесэн.
Пра гэта яна заявіла ў кантэксце адказу на пытанне, што Кангрэс можа зрабіць для спынення рэпрэсій, якія зазнаюць беларусы не толькі ўнутры краіны, але і па-за яе межамі.
“Мне б хацелася, каб мы маглі зрабіць больш, чым дазваляюць нашы магчымасці, — сказала прэзідэнт КМРУ. — Што мы ўжо робім? Мы ўключылі беларускія дэмакратычныя сілы ў працу Кангрэса (сфармаваная профільная дэлегацыя Каардынацыйнай рады. — “Позірк”.). Яна мае магчымасць выступаць, маецца моладзевы дэлегат. <…> На кожным пасяджэнні мы заслухоўваем даклад, каб быць у курсе апошніх падзей. І, вядома, мы пастаянна падтрымліваем дэмакратычныя сілы. Таму я думаю, што нашы дзверы для іх шырока адчыненыя”.
“Я ведаю, што сітуацыя вельмі складаная. Напрыклад, беларусы пазбаўляюцца магчымасці карыстацца сваімі пашпартамі, пасведчаннямі асобы. А як жыць у сучасным свеце, дзе тэхналогіі адыгрываюць такую вялікую ролю і дзе нам пастаянна патрэбныя пашпарты і пасведчанні асобы? Мы ведаем пра гэтую сітуацыю і ставімся да яе вельмі сур’ёзна. Таму імкнёмся як мага больш шчыльна супрацоўнічаць з гэтай дэлегацыяй. Мы таксама маем Кантактную групу Савета Еўропы”, — адзначыла яна.
Хельгесэн запэўніла, што Кангрэс робіць усё, што ў яго сілах, і спадзяецца на тое, што “атрымаецца дамагчыся прагрэсу”. Яна падкрэсліла, што арганізацыя падтрымлівае дэлегацыю дэмакратычнай Беларусі — “запрашае да ўдзелу, уключае ў сваю працу” — і мае намер працягваць гэта рабіць.
Падрабязнасці даступныя падпісчыкам “Позірк+”
Кіраўніца дэлегацыі КР Халопіца акрэсліла перад генсакратаром Савета Еўропы праблему транснацыянальных рэпрэсій супраць беларусаў
27 кастрычніка, Позірк. Праблему транснацыянальных рэпрэсій супраць беларусаў акрэсліла перад генеральным сакратаром Савета Еўропы Аленам Берсэ кіраўніца дэлегацыі Каардынацыйнай рады ў Кангрэсе мясцовых і рэгіянальных уладаў (КМРУ) СЕ Ірына Халопіца. "Дзякую вам за падтрымку, якую Савет Еўропы аказвае дэмакратычным сілам …
"Задача — усвядоміць, што існуюць і іншыя спосабы кіравання". Дакладчыца рэгіянальнага кангрэса Савета Еўропы пра будучыню Беларусі
Як мясцовыя ўлады краін Савета Еўропы могуць дапамагчы беларускай грамадзянскай супольнасці і дэмакратычным сілам у выгнанні і чаму беларусам важна набываць у еўрапейскіх краінах досвед дэмакратычнага кіравання — пра гэта ды іншае дакладчыца Кангрэса мясцовых і рэгіянальных уладаў (КМРУ) Савета …
