Долар падаражэў на біржавых таргах перад доўгімі выходнымі
17 красавіка, Позірк. Амерыканская валюта падаражэла 17 красавіка 2026 года — на апошніх таргах Беларускай валютна-фондавай біржы перад доўгімі выходнымі (18–21 красавіка).
Курс долара вырас да 2,8341 рубля (+0,05%; +0,0013).
Еўра патаннеў да 3,3252 (-0,12%; -0,004), юань — да 4,1717 за 10 (-0,28%; -0,0117), расійскі рубель — да 3,7412 за 100 (-0,07%; -0,0026).
На адыходзячым працоўным тыдні (13–17 красавіка) каціроўка долара знізілася на 0,8% (з 2,8569 да 2,8341), еўра — на 0,6% (з 3,3452 да 3,3252), юаня — на 0,96% (з 4,2122 да 4,1717 за 10); расійскага рубля — вырасла на 0,03% (з 3,74 да 3,7412 за 100).
За першы квартал 2026 года Беларусь заняла восьмае месца паводле росту афіцыйнага курсу долара да нацвалюты — 1,66% (з 2,9027 да 2,9508 рубля), сведчыць праведзены “Позіркам” параўнальны аналіз каціровак цэнтрабанкаў. Наперадзе: Малдова — 5,10%, Расія — 3,92%, Таджыкістан — 3,75%, Украіна — 3,32%, Латвія, Літва і Эстонія — 2,19%.
