За тыдзень у Беларусь уехала 6,2 тыс. грамадзян еўрапейскіх дзяржаў — Дзяржпагранкамітэт

6 ліпеня, Позірк. З 29 чэрвеня па 6 чэрвеня ў бязвізавым парадку ў Беларусь уехала 6.239 жыхароў еўрапейскіх краін (тыднем раней — 5.575), сведчыць праведзены “Позіркам” аналіз даных Дзяржаўнага пагранічнага камітэта.

За мінулы тыдзень у Беларусь прыбыла 2.229 грамадзян Літвы (тыднем раней — 2.089), 1.817 грамадзян і неграмадзян Латвіі (1.850), 822 грамадзяніны Польшчы (821), 1.371 грамадзянін іншых еўрапейскіх дзяржаў са спісу пашыранага бязвізу (1.01.

З сярэдзіны вясны 2022 года Беларусь наведала 1.368.489 жыхароў Еўропы. З Латвіі прыбыла 437.140 замежнікаў, з Літвы — 702.762, з Польшчы — 152.073. У рамках пашыранага бязвізу для 35 еўрапейскіх дзяржаў з сярэдзіны лета 2024 года ў Беларусь уехала 76.514 чалавек.

Для жыхароў Літвы і Латвіі бязвізавы рэжым дзейнічае з 15 красавіка 2022 года, Польшчы — з 1 ліпеня таго ж года, яшчэ 35 краін Еўропы — з 19 ліпеня 2024-га.

9 снежня 2025 года Аляксандр Лукашэнка падоўжыў бязвізавы ўезд для грамадзян 38 еўрапейскіх краін да 31 снежня 2026 года ўключна.

Пашыраны бязвіз тычыцца жыхароў Андоры, Аўстрыі, Бельгіі, Балгарыі, Босніі і Герцагавіны, Ватыкана, Венгрыі, Вялікабрытаніі, Германіі, Грэцыі, Даніі, Ірландыі, Ісландыі, Іспаніі, Італіі, Кіпра, Люксембурга, Ліхтэнштэйна, Мальты, Манака, Нарвегіі, Нідэрландаў, Партугаліі, Паўночнай Македоніі, Румыніі, Сан-Марына, Славакіі, Славеніі, Фінляндыі, Францыі, Харватыі, Чэхіі, Швейцарыі, Швецыі і Эстоніі.

Большасць гэтых краін рэжым Лукашэнкі лічыць “недружалюбнымі” за тое, што ўвялі санкцыі альбо далучыліся да іх.