Завочны суд над музыкам Сяргеем Міхалком пачнецца 29 ліпеня — праваабаронцы

6 ліпеня, Позірк. Мінскі гарадскі суд 29 ліпеня пачне завочна разглядаць крымінальную справу музыканта, спевака Сяргея Міхалка, паведаміў 6 ліпеня праваабарончы цэнтр “Вясна”.

Пра пачатак спецыяльнай вытворчасці ў дачыненні да Міхалка Следчы камітэт паведаміў 18 траўня.

Мужчыну абвінавачваюць паводле ч. 1 арт. 130 (распальванне расавай, нацыянальнай, рэлігійнай або іншай сацыяльнай варожасці або варажнечы) і ч. 1 арт. 368 (абраза прэзідэнта) Крымінальнага кодэкса.

Міхалок стаў шырока вядомы як лідар гурта “Ляпіс Трубяцкой”. Пасля распаду калектыва стварыў праект Brutto. Вядомы жорсткай крытыкай аўтарытарызму і гвалту. Праз сваю пазіцыю доўгі час не выступаў у Беларусі.