На першых летніх таргах падаражэлі ўсе асноўныя валюты, акрамя расійскай
1 чэрвеня, Позірк. Амерыканская, агульная еўрапейская, а таксама кітайская валюты падаражэлі на таргах Беларускай валютна-фондавай біржы 1 чэрвеня. Аналагічная сітуацыя назіралася 29 траўня — на апошніх вясновых таргах.
Курс долара 1 чэрвеня вырас да 2,7698 рубля (+0,36%; +0,0098), еўра — да 3,2110 (працэнтнае змяненне блізкае да нуля; +0,0001), юаня — да 4,0715 за 10 (+0,42%; +0,0171).
Расійскі рубель патаннеў да 3,8563 за 100 (-0,29%; -0,0111).
Беларусь заняла другое месца на тэрыторыі былога СССР паводле зніжэння афіцыйнага курсу долара ЗША да нацыянальнай валюты па выніках пяці месяцаў 2026 года, сведчыць праведзены “Позіркам” параўнальны аналіз каціровак цэнтрабанкаў.
За гэты перыяд афіцыйны курс долара ў Беларусі знізіўся на 4,93% (з 2,9027 да 2,7596 рубля). На першым месцы Расія — 9,21% (з 78,2267 да 71,0224 рубля), на трэцім — Арменія — 3,46% (з 381,36 да 368,18 драма). За імі ідуць Казахстан, дзе долар патаннеў на 3,31% (з 502,57 да 485,95 тэнге), Грузія — 0,96% (з 2,6951 да 2,6693 лары), Узбекістан — 0,23% (з 12.025,33 да 11.997,83 сума) і Таджыкістан — 0,05% (з 9,2513 да 9,24654 самані).
Амерыканская валюта падаражэла ва Украіне — на 4,43% (з 42,3878 да 44,2653 грыўні), Малдове — на 3,21% (з 16,7925 да 17,3317 лея), Латвіі, Літве, Эстоніі — на 0,90% (з 0,8511 да 0,8588 еўра) і Кыргызстане — на 0,04% (з 87,4177 да 87,45 сома).
