За пяць месяцаў на пажарах у Беларусі загінула больш за 300 чалавек

1 чэрвеня, Позірк. За мінулыя дзяжурныя суткі (з 6:00 31 траўня да 6:00 1 чэрвеня) на пажарах у Беларусі загінула чатыры чалавекі, вынікае з аператыўнай зводкі Міністэрства па надзвычайных сітуацыях.

Па адным жыцці агонь забраў у Мінскім і Смалявіцкім раёнах (Мінская вобласць), два — у Віцебску.

За пяць месяцаў 2026 года ў краіне здарылася 3.503 пажары (на 14% больш, чым за той жа перыяд 2025-га, калі было 3.074). Непасрэдна на іх або ад іх наступстваў загінула 302 чалавекі (+5,6%; 286), траўмавана — 325 (+38%; 235), выратавана — 283 (+40%; 202).