Польскі перавозчык спрабаваў увезці ў Беларусь 10 т фурнітуры, шматразова занізіўшы кошт
12 сакавіка, Позірк. Польскі перавозчык спрабаваў увезці ў Беларусь груз, шматразова занізіўшы яго кошт, вынікае з паведамлення Дзяржаўнага мытнага камітэта.
Паводле інфармацыі ведамства, грузавік DAF з 10 тонамі аконнай фурнітуры, загружанай у Літве, прыбыў для афармлення ў пункт пропуску Казловічы (з польскага боку — Кукурыкі). У дакументах тавары былі ацэненыя на 70 тыс. рублёў, аднак пасля праверкі высветлілася, што іх кошт — амаль 350 тыс. рублёў (каля 24 тыс. і 120 тыс. долараў адпаведна).
“Наўмыснае парушэнне заканадаўства дазволіла б ашчадзіць на мытных плацяжах больш за 76 тыс. рублёў”, — заявіў ДМК.
Брэсцкая мытня распачала адміністрацыйны працэс паводле ч. 3 арт.15.5 КаАП (недэклараванне або прадстаўленне недакладных звестак пра тавары). Санкцыя паводле гэтай часткі артыкула для індывідуальных прадпрымальнікаў і юрыдычных асоб — да 30% кошту прадмета правапарушэння.
Латвійскі перавозчык спрабаваў увезці ў Беларусь 140 тавараў без дэкларацыі — яму пагражае штраф
6 сакавіка, Позірк. Партыю розных тавараў спрабаваў увезці ў Беларусь без дэкларацыі латвійскі перавозчык, паведаміла 5 сакавіка прэс-служба Дзяржаўнага мытнага камітэта. Паводле інфармацыі ведамства, грузавік DAF са зборным грузам прыбыў для афармлення ў пункт пропуску Грыгароўшчына (з латвійскага боку — …
Літоўская мытня канфіскавала чарговы аўтамабіль, які выкарыстоўваўся для кантрабанды цыгарэт з Беларусі
3 сакавіка, Позірк. Пра чарговую канфіскацыю аўтамабіля, у якім на тэрыторыю Літвы нелегальна ўвозіліся з Беларусі тытунёвыя вырабы, паведаміла 3 сакавіка мытная служба балтыйскай дзяржавы. Адзначаецца, што ўвечары 28 лютага ў пункце пропуску Мядзінінкай (з беларускага боку — Каменны Лог) …
Мытня канфіскавала ў бацькі і сына аўтамабілі за спробу завезці з Польшчы кантрабандныя запчасткі
3 сакавіка, Позірк. Супрацоўнікі Дзяржаўнага мытнага камітэта (ДМК) пры даглядзе аўтамабіляў, якія належаць 50-гадоваму мужчыну і яго 22-гадоваму сыну, выявілі схованкі з 25 запчасткамі коштам больш за 11 тыс. рублёў, паведамляе ведамства. Мужчыны вярталіся з Польшчы праз пункт пропуску Брэст …
