У Беларусь прыбыла чарговая партыя расійскіх знішчальнікаў Су-30СМ2

26 снежня, Позірк. Аб прыбыцці 26 снежня на адзін з беларускіх аэрадромаў чарговай партыі расійскіх самалётаў Су-30СМ2 паведаміла прэс-служба Міністэрства абароны.

Паводле слоў намесніка камандуючага ВПС і войскамі СПА Аляксандра Бяляева, прыбыццё знішчальнікаў “стала ўжо добрай традыцыяй: парк яе няўхільна абнаўляецца”.

“Паглядзіце на самалёты Су-30см2, якія зноў прыбылі. Гэта самалёт-знішчальнік, які адпавядае ўсім патрабаванням, што прад’яўляюцца да авіяцыйнай тэхніцы такога класа. Лётаць на ім — гэта сапраўднае шчасце”, — заявіў Бяляеў.

Неўзабаве, сказаў ён, самалёты “пройдуць тэхнічнае вывучэнне ў авіяцыйнай базе”: “Максімум праз два тыдні [яны] заступяць на абарону нашай любімай Радзімы ў паветранай прасторы”.

“Гэта не крайняя партыя: у далейшым будзе паступаць новая тэхніка, абараназдольнасць нашых паветраных межаў будзе ўзрастаць”, — адзначыў военачальнік, не ўдакладніўшы, з якой краіны прыбыла тэхніка.

Аб прыбыцці ў Беларусь самалётаў Су-30СМ2 Мінабароны таксама паведамляла 14 жніўня.

Заяўлялася, што тэхніка атрыманая “ў рамках ваенна-тэхнічнага супрацоўніцтва” паміж Беларуссю і Расіяй для “павышэння магчымасцяў Ваенна-паветраных сіл па забеспячэнні бяспекі Рэспублікі Беларусь у паветранай прасторы”.

Аб дастаўцы ў Беларусь першай партыі знішчальнікаў Су-30СМ2 паведамлялася 27 траўня. Тады камандуючы ВПС і войскамі СПА Андрэй Лук’яновіч заявіў, што сёлета Беларусь атрымае яшчэ адну іх партыю.