17 жніўня, Позірк. Падчас тэлефоннай размовы з Уладзімірам Пуціным 17 жніўня Аляксандр Лукашэнка “распавёў аб тэлефоннай размове з [прэзідэнтам ЗША] Дональдам Трампам, якая прайшла [двума днямі раней]”, паведамляе прэс-служба прэзідэнта РФ.
Пуцін “інфармаваў аб выніках перамоваў з прэзідэнтам ЗША ў Анкарыдж” у той жа дзень.
Лукашэнка, як сцвярджаецца, “вітаў крокі па мірным вырашэнні ўкраінскага крызісу, якія прадпрымаюцца”.
Паводле версіі прэс-службы апошняга, бакі “абмеркавалі сітуацыю ў рэгіёне з улікам праведзеных перамоваў на Алясцы”.
Пуцін “падрабязна праінфармаваў беларускага калегу аб выніках праведзенага Саміту Расія — ЗША” (дадзена ў арыгінале).
Таксама яны “закранулі ў размове асобныя пытанні двухбаковых беларуска-расійскіх адносін”.
Трамп патэлефанаваў Лукашэнку 15 жніўня. У сваёй сацыяльнай сетцы TruthSocial ён пацвердзіў факт гутаркі з “глыбокапаважаным прэзідэнтам Беларусі”, назваўшы яе “выдатнай”.
Паводле яго, мэтай званка было выказаць Лукашэнку “падзяку за вызваленне 16 зняволеных”.
У той жа дзень Лукашэнка паразмаўляў па тэлефоне з намеснікам спецпасланніка прэзідэнта ЗША па Украіне Кіта Келлага Джонам Коўлам.
