Вераснёўская інфляцыя ў Беларусі была вышэй, чым у Расіі
21 кастрычніка, Позірк. Рост спажывецкіх цэн у верасні 2026 года зафіксаваны ва ўсіх краінах на тэрыторыі былога СССР. Пра гэта сведчыць праведзены “Позіркам” аналіз папярэдніх даных нацыянальных органаў статыстыкі.
Беларусь з паказчыкам 0,47% заняла 9-е месца, апярэдзіўшы Грузію (+0,4%), Расію (+0,35%), Арменію, Латвію (па +0,2%) і Таджыкістан (+0,1%).
За дзевяць месяцаў года спажывецкія цэны ў Беларусі павялічыліся на 3,6% — 11-е месца на тэрыторыі былога СССР.
У 2025 годзе спажывецкія цэны ў Беларусі выраслі на 6,83% (шостае месца на тэрыторыі былога СССР), у 2024-м — на 5,16% (сёмае), у 2023-м — на 5,84% (пятае), у 2022-м — на 12,83% (дзявятае), 2021-м — на 9,97% (таксама дзявятае), 2020-м — на 7,36% (пятае), за апошнія шэсць гадоў — на 58,39%, з улікам студзеня — верасня 2026 года — на 64,09%.
