Рассельгаснагляд забараніў увоз з Беларусі 21 т торфу

21 кастрычніка, Позірк. Аб забароне ўвозу з Беларусі на тэрыторыю Пскоўскай вобласці РФ партыі торфу масай 21,1 тоны паведаміла Федэральная служба ветэрынарнага і фітасанітарнага нагляду (Рассельгаснагляд).

Як адзначаецца, падчас кантролю на расійска-беларускай мяжы ў пункце каранціну раслін Доласцы (Себежскі раён) спецыяліст ведамства ўстанавіў, што ў “фітасанітарным сертыфікаце ўтрымліваюцца не завераныя змены або дапаўненні ўпаўнаважаным органам, якім быў выдадзены дакумент”. Была зробленая выснова, што прадстаўлены дакумент не можа пацвердзіць “адпаведнасць увозімай расліннай прадукцыі адзіным каранцінным патрабаванням”.

Груз вернуты ў Беларусь.