У Віцебску гарэў інтэрнат, МНС эвакуявала 79 чалавек
26 ліпеня, Позірк. Пра пажар у інтэрнаце ў Віцебску паведамляе ў сутачнай зводцы Міністэрства па надзвычайных сітуацыях.
Узгаранне было выяўлена 25 ліпеня ў 22:41 сістэмай аўтаматычнай пажарнай сігналізацыі.
Пажар узнік на трэцім паверсе дзевяціпавярховага будынка па вул. Горкага.
“Работнікамі МНС і ў выніку спрацоўкі маўленчага апавяшчэння аб пажары з будынка эвакуіраваныя 79 чалавек, з іх 11 дзяцей. Пацярпелых няма”, — адзначае ведамства.
Прычына пажару высвятляецца.
