Спецпасланнік Трампа па Беларусі Коўл праводзіць перамовы з Лукашэнкам
19 сакавіка, Позірк. Спецпасланнік прэзідэнта ЗША па Беларусі Джон Коўл прыбыў у Мінск, цяпер у Палацы незалежнасці праходзяць яго перамовы з Лукашэнкам.
Пра гэта паведамляе неафіцыйны тэлеграм-канал прэс-службы Лукашэнкі.
Напярэдадні паведамлялася аб прыездзе Коўла ў Вільнюс і яго сустрэчы з прэм’ер-міністрам Літвы Інгай Ругінене.
Як правіла, візіты прадстаўнікоў адміністрацыі амерыканскага прэзідэнта Дональда Трампа суправаджаюцца вызваленнем часткі палітвязняў па выніках перамоваў з Лукашэнкам. У абмен магчымае прыпыненне санкцый, як гэта ўжо адбылося з “Белавія” і “Беларуськаліем”.
