За чатыры гады фермерскія гаспадаркі павялічылі сельгасвытворчасць на чвэрць
10 чэрвеня, Позірк. Аб’ём вытворчасці сельскагаспадарчай прадукцыі ў сялянскіх (фермерскіх) гаспадарках у 2024 годзе вырас у супастаўных цэнах на 25,2% у параўнанні з 2020-м, паведамляе Нацыянальны статыстычны камітэт.
Прадукцыі раслінаводства за названы перыяд выпушчана на 25,2% больш, жывёлагадоўлі — на 21,1%.
У 2024 годзе ў карыстанні фермерскіх гаспадарак знаходзілася 318,1 тыс. гектараў (+28,6%) сельскагаспадарчых угоддзяў, у тым ліку ворных — 220,1 тыс. га (+29%).
Агулам доля фермерскіх гаспадарак у аб’ёме вытворчасці сельскагаспадарчай прадукцыі невялікая. У 2024 годзе яна склала 2,9% (у 2020 годзе — 2,5%).
