У гадавіну смерці Бандарэнкі заходнія дыпмісіі ў Беларусі заклікалі да вызвалення ўсіх палітвязняў
12 лістапада, Позірк. “12 лістапада 2020 года ад рук беларускага рэжыму загінуў Раман Бандарэнка. Амаль праз чатыры гады ў беларускай калоніі памёр палітвязень Дзмітрый Шлетгаўэр. З 2020 года ў беларускіх турмах памерлі сем палітвязняў. Абарвалася занадта шмат жыццяў”, — гаворыцца ў сумеснай заяве шэрагу акрэдытаваных у Беларусі дыпламатычных місій заходніх краін.
Яго падпісантамі з’яўляюцца, у прыватнасці, пасольствы Аўстрыі, Балгарыі, Вялікабрытаніі, Германіі, Ірландыі, Латвіі, Літвы, Нідэрландаў, Польшчы, Румыніі, Славакіі, ЗША, Чэхіі і Швецыі.
“Мы памятаем аб гэтых ахвярах і заклікаем да неадкладнага і безумоўнага вызвалення ўсіх палітзняволеных”, — адзначылі дыпламаты.
Ціханоўская: Метад захавання ўлады ў рэжыму і ягоных памагатых — гвалт
12 лістапада, Позірк. “З-за помслівасці рэжыму цягам дзесяцігоддзяў у Беларусі бясследна знікалі людзі. У 90-я гады знішчаліся палітыкі, вайскоўцы, актывісты, журналісты — людзі, якія мелі мужнасць казаць праўду. Усе яны былі пазбаўленыя жыцця проста за тое, што кінулі выклік дыктатуры …
