Начальнік Генштаба УС Гулевіч правядзе перагаворы з ваенным кіраўніцтвам Узбекістана
Ташкент
27 красавіка, Позірк. “Шэраг сустрэч і перагавораў” з ваенным кіраўніцтвам Узбекістана правядзе першы намеснік міністра абароны Беларусі — начальнік Генеральнага штаба Узброеных сіл Віктар Гулевіч, які прыбыў у гэтую краіну.
Пра тое, што военачальнік знаходзіцца ва Узбекістане з афіцыйным візітам, прэс-служба ваеннага ведамства паведаміла позна ўвечары 27 красавіка.
Адзначаецца, што Гулевіч таксама наведае ваенныя навучальныя ўстановы і цэнтры, а таксама прадпрыемствы абароннага комплексу.
На пачатку сакавіка Мінск наведвала ваенная дэлегацыя Узбекістана на чале першым намеснікам міністра абароны — начальнікам Генштаба УС Шухратам Халмухамедавым. Тады яны з беларускім калегам абмеркавалі “наяўны стан двухбаковай вайсковай супрацы і акрэслілі шляхі яе інтэнсіфікацыі ў галінах, якія ўяўляюць узаемную цікавасць”.
Беларусь і Узбекістан не ўваходзяць у агульныя абарончыя саюзы. Адметна, што Узбекістан стаяў ля вытокаў Арганізацыі Дагавора аб калектыўнай бяспецы (АДКБ) разам з Арменіяй, Казахстанам, Кыргызстанам, Расіяй і Таджыкістанам. Дакумент, які ляжыць у аснове АДКБ, быў падпісаны 15 траўня 1992 года менавіта ў Ташкенце.
У 1999 годзе, калі Беларусь ужо 6 гадоў была ў гэтым блоку, Узбекістан не стаў падаўжаць адпаведную дамову. У 2006 годзе яго ўдзел быў адноўлены, але ў 2012-м Ташкент зноў адмовіўся ад членства.
Беларусь застаецца ў топе экспарцёраў зброі, нягледзячы на санкцыі, заяўляе Галоўчанка
25 красавіка, Позірк. Беларусь "доўгія гады была ў топе сусветных экспарцёраў узбраенняў", гэтая тэндэнцыя "захоўваецца і зараз", "нягледзячы на ўсе так званыя санкцыі і абмежаванні", заявіў 25 красавіка ў кулуарах Усебеларускага народнага сходу прэм'ер-міністр Раман Галоўчанка. Якую менавіта і куды пастаўляе зброя …
