Акт аб дэмакратыі ў Беларусі рыхтуецца да разгляду ў парламенце ЗША — Вячорка

18 лютага, Позірк. Падрыхтоўку Акта аб дэмакратыі ў Беларусі, а таксама стратэгічны дыялог паміж ЗША і дэмсіламі абмеркавала Святлана Ціханоўская падчас сустрэч з амерыканскімі кангрэсменамі і сенатарамі на палях Мюнхенскай канферэнцыі па бяспецы.

Як адзначыў у каментары “Позірку“ галоўны дарадца дэмлідара Франак Вячорка, Акт аб дэмакратыі ў Беларусі рыхтуецца да разгляду ў абедзвюх палатах парламента ЗША.

Паводле яго слоў, Ціханоўская правяла сустрэчы з былым спікерам Палаты прадстаўнікоў Нэнсі Пэлосі, кіраўніком дэмакратычнай фракцыі ў ПП Хакімам Джэфрысам, сустаршынёй беларускага кокуса (парламенцкай групы) у ПП Джо Уілсанам, сустаршынёй беларускага кокуса ў Сенаце Джын Шахін, сенатарам Дэнам Саліванам і інш.

Таксама падчас сустрэч абмяркоўвалася пытанне прызначэння спецпасланніка, якое “павінна адбыцца найбліжэйшым часам”, сказаў Вячорка.

Іншымі тэмамі, паводле яго слоў, былі падтрымка незалежных СМІ, грамадзянскай супольнасці, прыцягненне рэжыму Аляксандра Лукашэнкі да адказнасці ў Міжнародным крымінальным судзе і судзе ААН, а таксама “больш эфектыўныя санкцыі супраць рэжыму і закрыццё шчылін, якія выкарыстоўваюцца для іх абыходу”.

Падрабязнасці даступныя падпісчыкам “Позірк+”