Коўшык абмеркавала з Мінкультам Літвы супрацу культурніцкіх арганізацый
29 студзеня, Позірк. Супрацу ў сферы культуры абмеркавала прадстаўніца Аб’яднанага пераходнага кабінета (АПК) па нацыянальным адраджэнні Аліна Коўшык з дарадцам дэпартамента крэатыўных сектараў і міжнароднай культурнай палітыкі Міністэрства культуры Літвы Юргісам Гедрысам.
Паводле інфармацыі прэс-службы АПК, сустрэча адбылася падчас візіту беларускага палітыка ў Вільнюс.
Адзначаецца, што бакі абмеркавалі ўзаемадзеянне “ў агульнаеўрапейскім кантэксце, у прыватнасці падчас мерапрыемстваў Савета міністраў культуры Еўрасаюза ў траўні”, супрацу беларускіх і літоўскіх культурніцкіх арганізацый у рамках абвешчанага АПК Года беларускай нацыянальнай традыцыі і магчымасці яе падтрымкі.
Сярод іншага Коўшык і Гедрыс абмеркавалі пытанні працы Вільнюскага беларускага музею імя Івана Луцкевіча, усталёўку ў літоўскай сталіцы памятнай шыльды да 140-годдзя дзеяча беларускага нацыянальнага руху ХХ ст. Антона Луцкевіча.
Падчас візіту Коўшык таксама сустрэлася з прадстаўнікамі беларускай дыяспары і абмеркавала з імі стратэгію нацыянальнага адраджэння, шляхі культурнай супрацы.
Палітык наведала бібліятэку “Чытальня“ ў Цэнтры беларускай супольнасці і культуры ў Вільнюсе. Яна перадала ў фонд установы мастацкую, гістарычную і дзіцячую літаратуру на беларускай мове.
Інстытут беларускай мовы за мяжой можа афіцыйна паўстаць гэтай вясной
27 студзеня, Позірк. Інстытут беларускай мовы за мяжой можа афіцыйна паўстаць ужо гэтай вясной, вынікае са слоў прадстаўніцы Аб'яднанага пераходнага кабінета (АПК) па нацыянальным адраджэнні Аліны Коўшык. "Я вельмі спадзяюся, што ўвесну мы абвясцім пра яго стварэнне, там ёсць ініцыятыўная група, — …
