Шайгу: Вучэнні “Захад” у 2023 годзе праводзіцца не будуць

4 верасня, Позірк. Ваенныя вучэнні “Захад”, якія сталі традыцыйнымі ў апошнія гады, у 2023 годзе праводзіцца не будуць, паведаміў журналістам 4 верасня міністр абароны Расіі Сяргей Шайгу.

“У гэтым годзе ў нас “вучэнні” ва Украіне”, — прыводзіць ТАСС яго словы.

Сумесныя стратэгічныя беларуска-расійскія вучэнні традыцыйна праводзіліся з 2009 года раз на два гады. Пры правядзенні на беларускай тэрыторыі яны мелі назву “Захад”.

Апошні раз манеўры адбыліся 10–15 верасня 2021 года. Паводле даных Мінабароны Беларусі, тады ўдзельнічала каля 200 тыс. вайскоўцаў, больш за 700 адзінак тэхнікі.