6 жніўня, Позірк. “Полк Кастуся Каліноўскага прызнае ролю [дэмакратычнага лідара] Святланы Ціханоўскай як міжнароднага прадстаўніка Беларусі”, — заявіў прадстаўнік палка Павел Кухта 6 жніўня на канферэнцыі “Новая Беларусь” у Варшаве.
Паводле слоў Кухты, ПКК канстатуе “крызіс у дэмакратычных сілах”.
“Ваяры адказваюць самім дарагім — жыццём і здароўем, палітыкі павінны адказваць інстытутам рэпутацыі”, — лічыць ён.
Кухта заявіў, што на сёння у дэмсіл не існуе “звязкі палітычнай і вайсковай часткі”.
Прадстаўнік палка выказаўся аб неабходнасці стварэння нацыянальна-вызваленчага руху і гатоўнасці фармавання быць яго “вайсковым цэнтрам”.
Батальён імя Кастуся Каліноўскага створаны 9 сакавіка 2022 года. Праз 17 дзён ён увайшоў у склад Узброеных сіл Украіны. Летась 21 траўня было аб’яўлена аб яго трансфармацыі ў полк у складзе двух батальёнаў — “Волат” і “Тэрор”. Пазней быў сфарміраваны трэці — “Літвін”. Пасля “Тэрор” стаў асобным падраздзяленнем УСУ па-за складам палка Каліноўскага.
У Беларусі па факце стварэння палка Каліноўскага распачата крымінальная справа, ён прызнаны “экстрэмісцкім фармаваннем”.
Намеснік кіраўніка Аб’яднанага пераходнага кабінета (АПК) Павел Латушка і галоўны саветнік Ціханоўскай Франак Вячорка правялі 1 жніўня ў Кіеве сустрэчу з прадстаўнікамі палка. Ціханоўская брала ўдзел у гутарцы анлайн.
7 чэрвеня Ціханоўская правяла першую анлайн-сустрэчу з прадстаўнікамі палка Каліноўскага, пасля якой заявіла аб неабходнасці “размаўляць і аб’ядноўвацца”. ПКК, у сваю чаргу, паведаміў, што яго прадстаўнікі “данеслі сваю пазіцыю Святлане Ціханоўскай”. Яна заключаецца ў тым, што “Беларусь можна вызваліць толькі сілавым шляхам”.
Аўтарызавацца
Забыліся пароль?
Выхад з профілю
