МУС з пачатку года канфіскавала больш за 370 адзінак незарэгістраванай зброі, добраахвотна здадзена звыш 330
18 кастрычніка, Позірк. З пачатку 2026 года ў Беларусі з абароту выключана больш за 370 адзінак незарэгістраванай зброі, паведаміла 18 кастрычніка прэс-служба МУС.
Добраахвотна здадзена “звыш 330 адзінак”.
Таксама паведамляецца аб адабранні каля 51 тыс. і добраахвотнай здачы каля 68 тыс. боепрыпасаў рознага калібру.
Ведамства анансавала правядзенне з 19 па 23 кастрычніка асноўнага этапу штогадовага аператыўна-прафілактычнага спецыяльнага комплекснага мерапрыемства “Арсенал“ па папярэджанні парушэнняў заканадаўства ў сферы абароту зброі.
“Міліцыянеры правераць умовы захоўвання грамадзянамі зарэгістраваных пісталетаў, стрэльбаў, а таксама нагадаюць аб мерах бяспекі пры абыходжанні з імі, — гаворыцца ў рэлізе. — Асаблівую ўвагу нададуць выяўленню нелегальнай зброі, боепрыпасаў, выбуховых прыстасаванняў і выбуховых рэчываў, растлумачэнню насельніцтву парадку іх добраахвотнай здачы”.
Асобы, якія добраахвотна перадалі ў органы ўнутраных спраў любую зброю і боепрыпасы, што незаконна захоўваецца, “цалкам вызваляюцца ад крымінальнай і адміністрацыйнай адказнасці”, нагадвае МУС.
Шэраг артыкулаў КоАП (24.29, 24.30, 24.31, 24.32 і 24.46) прадугледжвае адказнасць за незаконныя дзеянні ў дачыненні да халоднай, газавай, пнеўматычнай або кідальнай зброі; парушэнне правілаў абыходжання са зброяй і выбуховымі рэчывамі; парушэнне тэрмінаў рэгістрацыі і незаконныя дзеянні ў адносінах да паляўнічай гладкаствольнай зброі (усё караецца штрафам).
Паўторнае парушэнне апошняга артыкула на працягу года прыводзіць да крымінальнай адказнасці.
Арт. 294 КК (крадзеж агнястрэльнай зброі, боепрыпасаў ці выбуховых рэчываў) прадугледжвае пазбаўленне волі на тэрмін да 12 гадоў са штрафам або без.
Арт. 295 (незаконныя дзеянні ў адносінах да агнястрэльнай зброі, боепрыпасаў і выбуховых рэчываў) — аналагічнае максімальнае пакаранне, але без штрафу.
Арт. 2951 (незаконныя дзеянні ў адносінах да паляўнічай агнястрэльнай гладкаствольнай зброі) прадугледжвае пазбаўленне волі да пяці гадоў; ст. 296, якая тычыцца халоднай зброі, —да трох гадоў; 297 (газавага, пнеўматычнага або мятальнага) — аналагічна.
За неналежнае захоўванне агнястрэльнай зброі (арт. 300, прымяняецца да законных уладальнікаў) можна атрымаць абмежаванне волі да двух гадоў.
Стрэльбы з боепрыпасамі і незаконныя рыбалоўныя снасці канфіскаваныя ў 67-гадовага жыхара Маладзечанскага раёна
21 верасня, Позірк. Арсенал агнястрэльнай зброі і незаконныя рыбалоўныя снасці канфіскавалі ў 67-гадовага жыхара Маладзечанскага раёна супрацоўнікі міліцыі і прыродаахоўнай інспекцыі, паведаміла 21 верасня УУС Мінскага аблвыканкама. Паводле інфармацыі ведамства, дома ў мужчыны было знойдзена чатыры стрэльбы, больш за 300 …
