Кіроўца аўтобуса аштрафаваны за спробу незаконнага ўвозу ў Беларусь 311 упаковак ветпрэпаратаў
16 кастрычніка, Позірк. Пра спробу незаконнага ўвозу ў Беларусь 311 упаковак ветэрынарных лекаў коштам каля 243 тыс. рублёў паведаміў Дзяржаўны мытны камітэт (ДМК).
Парушэнне выявілі ў пункце пропуску Брэст (з польскага боку — Цярэспаль). Адзначаецца, што 46-гадовы кіроўца рэйсавага аўтобуса падаў дэкларацыю, указаўшы ў ёй адпарвальнік у якасці тавара, які ён увозіць. На пытанне аб наяўнасці іншых тавараў, якія падлягаюць дэклараванню, мужчына адказаў адмоўна.
Пазней супрацоўнікі ДМК устанавілі, што кіроўцу належыць чорны заплечнік, выяўлены ў адным з памяшканняў на тэрыторыі пункта пропуску. У ім знаходзіліся згаданыя лекі.
Грамадзянін Беларусі прыцягнуты да адміністрацыйнай адказнасці паводле ч. 2 арт. 15.1 КаАП (перамяшчэнне тавараў, якія падлягаюць мытнаму дэклараванню, праз мытную мяжу Еўразійскага эканамічнага саюза з утойваннем ад мытнага кантролю). Яму прызначылі штраф у памеры 20 базавых велічынь (900 рублёў) з канфіскацыяй незадэклараванага тавару.
