Пошліны на вываз звадкаваных вуглевадародных газаў павялічаны больш чым утрая

7 кастрычніка, Позірк. Урад устанавіў новыя экспартныя пошліны на звадкаваныя вуглевадародныя газы, адпаведную пастанову падпісаў прэм’ер-міністр Аляксандр Турчын.

Як паведамляе прэс-служба ўрада, тарыфы на звадкаваныя вуглевадародныя газы складуць 17,4 долараў за тону, на этан, бутан і ізабутан — 15,6 долараў за тону.

Пастанова ўступае ў сілу пасля афіцыйнага апублікавання і “распаўсюджвае сваё дзеянне на адносіны, якія ўзніклі з 1 кастрычніка 2026 года”, гаворыцца ў паведамленні.

14 красавіка гэтага года ўрад адмяніў нулявую стаўку на звадкаваныя вуглевадародныя газы, якая дзейнічала 10 месяцаў. Тады тарыфы на газы былі ўстаноўленыя на ўзроўні 5,2 долара за тону, на этан, бутан і ізабутан — 4,6.

Такім чынам, тарыфы на звадкаваныя вуглевадародныя газы павялічаны ў 3,35 раза.

У пачатку 2024 года стаўкі на вываз гэтых рэсурсаў складалі 1,6 і 1,4 долара адпаведна. З лютага 2024-га на працягу сямі месяцаў пошліны былі роўныя нулю. У верасні ўрад вярнуў стаўкі — 20,8 і 18,7 долара, у кастрычніку яны выраслі да 45,2 і 40,6, снежні — да 61,7 і 55,5; у студзені 2025 года — знізіліся да 18,5 і 16,6, лютым — да 7,5 і 6,7; сакавіку — выраслі да 8,3 і 7,4; красавіку — да 8,8 і 7,9.