З пачатку года на пажарах у Беларусі загінула 444 чалавекі — МНС

6 лістапада, Позірк. 444 чалавекі загінулі на пажарах у Беларусі з пачатку года, вынікае з чарговай ранішняй аператыўнай зводкі Міністэрства па надзвычайных сітуацыях. Год таму па стане на раніцу 6 лістапада іх было 422, такім чынам колькасць ахвяр павялічылася на 5,2%.

Па 2 чалавекі загінулі 5 лістапада на пажарах у жылым доме ў Чэрыкаве Магілёўскай вобласці (гаспадыня 1973 года нараджэння і яе сын 1991 г.н., беспрацоўныя), а таксама ў Віцебску (гаспадар 1967 г.н., беспрацоўны і грамадзянін 1961 г.н., пенсіянер), які знаходзіўся ў гасцях.

Прычыны пажараў і гібелі людзей высвятляюцца.

Паводле інфармацыі МНС, з пачатку 2026 года адбылося 5.641 пажар (годам раней па стане на раніцу 6 лістапада — 5.423, рост на 4%), на якіх траўмавана 556 чалавек (507, +9,7%), выратавана 914 (783, +16,7%).