Запалкі ўвайшлі ў лік лідараў па падаражэнні ў першай палове 2026 года

12 ліпеня, Позірк. Праезд у грамадскім транспарце, утылізацыя камунальных адходаў і запалкі сталі лідарамі па падаражэнні ў першай палове 2026 года сярод паслуг і несезонных тавараў, сведчыць праведзены “Позіркам“ аналіз даных Белстата.

Квіткі на прыгарадныя электрацягнікі эканом-класа (сінія электрычкі) выраслі ў цане на 26,79%, міжнародныя цягнікі — на 26,18%, прыгарадныя аўтобусы — на 25,88%.

Тарыфы на абыходжанне з цвёрдымі камунальнымі адходамі павялічыліся ў сярэднім на 25,04%. Кошт запалак вырас на 22,27%.

Харчовыя тавары, безалкагольныя і алкагольныя напоі, тытунёвыя вырабы падаражэлі за паўгоддзе на 1,79%, асобна харчовыя тавары і безалкагольныя напоі — на 0,88%, нехарчовыя тавары — на 1,45%, паслугі — на 6,65%. Агульны рост спажывецкіх цэн склаў 2,89%.

У чэрвені яны павялічыліся на 0,33%. Харчовыя тавары, безалкагольныя і алкагольныя напоі, тытунёвыя вырабы сталі даражэйшымі на 0,26%, асобна харчовыя тавары і безалкагольныя напоі — на 0,16%, нехарчовыя тавары — на 0,09%, паслугі — на 0,75%.

Больш падрабязнасцяў даступна падпісчыкам “Позірк+”

Гл. таксама па тэме:

Урад у 2,6 раза скараціў пералік тавараў, якія падлягаюць цэнаваму рэгуляванню