Ціханоўская выступіць на сесіі Еўрапейскага эканамічнага і сацыяльнага камітэта ў Бруселі

15 чэрвеня, Позірк. Беларускі дэмакратычны лідар Святлана Ціханоўская 17 чэрвеня ў Бруселі выступіць на пленарнай сесіі Еўрапейскага эканамічнага і сацыяльнага камітэта (ЕЭСК) — кансультатыўнага органа Еўрасаюза.

Паводле інфармацыі яе прэс-службы, у рамках гэтага мерапрыемства палітык разам з прадстаўнікамі Еўракамісіі і ўрада Літвы возьме ўдзел у дыскусіі “Умацаванне ўстойлівасці ва ўсходніх прыгранічных рэгіёнах Еўропы”. Удзельнікі сустрэчы абмяркуюць “пытанні бяспекі, устойлівасці і выклікаў, з якімі сутыкаецца ўсходняе суседства Еўропы”.

У гэты ж дзень Ціханоўская далучыцца да дадатковага мерапрыемства “Развенчваючы міфы: як зразумець Беларусь у сучаснай Еўропе”, якое арганізуе ЕЭСК.