У Польшчы затрыманая група мясцовых і замежнікаў, якія займаліся кантрабандай цыгарэт з Беларусі
12 чэрвеня, Позірк. Сямярых грамадзян Польшчы, Літвы і Арменіі затрымалі супрацоўнікі Надбужанскага аддзела Памежнай аховы і Цэнтральнага бюро расследаванняў паліцыі Польшчы.
Паводле інфармацыі памежнага ведамства, гэтая група “арганізоўвала кантрабандную дастаўку цыгарэт з Беларусі праз Літву ў Польшчу, а пасля іх далейшы распаўсюд на тэрыторыі Еўрапейскага саюза”.
Заяўлена, што канфіскавана 6,5 млн пачкаў нелегальных цыгарэт коштам звыш 94 млн злотых (25,7 млн долараў).
“Шкода дзяржаўнаму бюджэту перавысіла 190 млн злотых, арыштаваная маёмасць на суму амаль 300 тыс. злотых (каля 52 млн і 82 тыс. долараў адпаведна. – “Позірк“.), — гаворыцца ў паведамленні.
