У Барысаве патануў мужчына — цела знойдзена ў рацэ Бярэзіна ў паўметры ад берага

4 траўня, Позірк. Пра ўтапленне ў Барысаве (Мінская вобласць) мужчыны 1970 года нараджэння паведаміла 4 траўня Рэспубліканскае таварыства ратавання на водах (ТРВОД).

Цела загінулага знойдзена раніцай 1 траўня ў рацэ Бярэзіна ў паўметры ад берага, вынята з вады супрацоўнікамі мясцовай станцыі ТРВОД.

Адзначаецца, што за доўгія выходныя (1–3 траўня) у Беларусі патанулі два чалавекі.

Паводле інфармацыі ТРВОД, у 2025 годзе зарэгістравана 492 здарэнні на вадаёмах, у тым ліку 54 — з непаўналетнімі (у 2024-м — 586 і 75 адпаведна; -16% і -28%).

Праз утапленне загінула 278 чалавек (368; -24,5%), у тым ліку 12 непаўналетніх (22; -45,5%).