МНС адсправаздачылася аб ліквідацыі пажару ў гандлёвым павільёне ў Віцебску

19 красавіка, Позірк. Аб ліквідацыі пажару ў гандлёвым павільёне ў Віцебску паведаміла Міністэрства па надзвычайных сітуацыях.

Пажар на вуліцы Церашковай здарыўся 19 красавіка.

“Работнік аб’екта патушыў сцяну павільёна вогнетушыцелем. Чатыры чалавекі самастойна пакінулі памяшканне. Пацярпелых няма”, — удакладняецца ў паведамленні.

Да месца выкліку выязджалі пяць адзінак тэхнікі МНС.

Абставіны здарэння высвятляюцца.

Паводле звестак ведамства на раніцу 19 красавіка, з пачатку года ў Беларусі здарылася 2.713 пажараў (годам раней — 2.288, +18,6%), у тым ліку 37 — за мінулыя суткі. Загінулі 262 чалавекі (218, +20,2%).

МНС рэгулярна карэктуе ў бок змяншэння статыстыку смяротнасці на пажарах.