Улады Грузіі не пусцілі ў краіну беларускага акцёра Аляксандра Ждановіча (Маляваныч)
Аляксандр Ждановіч у аэрапорце Кутаісі
14 жніўня, Позірк. Улады Грузіі не пусцілі ў краіну беларускага акцёра Аляксандра Ждановіча (Маляваныч), паведаміў “Позірку“ праваабаронца Раман Кісляк.
15 жніўня Ждановіч планаваў выступіць у Батумі з праграмай “Ён паляцеў ды абяцаў вярнуцца“. 14 жніўня ён прыбыў у аэрапорт Кутаісі, дзе атрымаў забарону на ўезд “з іншых прычын“. Звычайна за гэтай фармулёўкай хаваецца нежаданне кіроўнай партыі прарасійскага алігарха “Грузінская мара” Бідзіны Іванішвілі пускаць у краіну апанентаў рэжымаў у Расіі і Беларусі, а таксама крытыкаў самой партыі.
Ждановіч больш за два гады пражыў у Грузіі, куды эміграваў з Беларусі ў сувязі з пераследам па палітычных матывах. Улетку 2024 года пераехаў у Польшчу.
