Шэраг вуліц мінскай Сцяпянкі застаўся без святла

24 сакавіка, Позірк. Перабоі электраэнергіі зафіксавалі ў мінскім мікрараёне Сцяпянка 24 сакавіка ў 12:15. Прадпрыемства “Мінскэнерга”, якое паведаміла пра гэта, прычыну не ўдакладніла.

Паводле інфармацыі арганізацыі, перабоі назіраюцца на вуліцах: Анаева, Ваўпшасава, Геалагічная, Карвата, зав. 2-гі Пераходны, Радыяльная, Халмагорская, зав. 2-гі Халмагорскі, Солтыса, зав. Солтыса.

“Для аднаўлення электразабеспячэння спажыўцоў у размеркавальную сетку накіраваныя 3 аператыўна-выязныя брыгады філіяла “Мінскія кабельныя сеткі”, — паведаміла “Мінскэнерга”, дадаўшы, што аднаўленне энергазабеспячэння запланаванае на 14:15.

У пазначаны час і на момант публікацыі інфармацыя пра ліквідацыю непаладак не з’явілася.

За апошнія некалькі тыдняў у Беларусі адбылося не менш за сем буйных аварый на сетках электра- і водазабеспячэння.

Гл. таксама:

З-за пашкоджання сеткі парушана цеплазабеспячэнне на некалькіх вуліцах Мінска

На ліквідацыю аварыі ў Мінску і аднаўленне цеплазабеспячэння ў рамонтнікаў сышло 16 гадзін