Вызвалены амерыканец не Юрась Зянковіч — Вячорка

12 лютага, Позірк. Амерыканец, вызвалены 12 лютага разам з пазаштатным супрацоўнікам беларускай службы радыё “Свабода” Андрэем Кузнечыкам і шматдзетнай маці Аленай Маўшук, — не адвакат Юрый Зянковіч. Пра гэта паведаміў “Позірку“ галоўны дарадца Святланы Ціханоўскай Франак Вячорка, каментуючы здагадкі, што Зянковіч і ёсць “грамадзянін ЗША, імя якога пакуль не раскрываецца“.

Здагадкі ўзніклі з прычыны з’яўлення палітвязня Зянковіча сёлета ў студзені ў цывільным строі на адным з беларускіх тэлеканалаў. Фігурант “справы змоўшчыкаў”, асуджаны агулам на 13,5 года пазбаўлення волі, быў выкарыстаны для прапагандысцкага фільма.