У Мінскім раёне затрыманыя дзве групы нелегальных мігрантаў

9 красавіка, Позірк. У аграгарадку Калодзішчы і вёсцы Вялікае Сціклева (Мінскі раён) супрацоўнікі міліцыі затрымалі дзве групы нелегальных мігрантаў з Афганістана, Емена і Сірыі, паведаміў начальнік упраўлення грамадзянства і міграцыі УУС Мінаблвыканкама Юрый Бразінскі.

“У прыватных домаўладаннях пражывалі 29 замежнікаў. У нашу краіну яны заехалі наземным транспартам з Расіі, далей планавалі прайсці ў краіны Еўрасаюза. Беларускія візы ў іх адсутнічалі”, — сказаў ён (цытата з відэазапісу, распаўсюджанага МУС).

Паводле слоў Бразінскага, нелегалы прыцягнутыя да адміністрацыйнай адказнасці, прынятыя рашэнні аб іх выдварэнні з краіны. Устанаўліваюцца арганізатары канала нелегальнай міграцыі.

Гл. таксама:

Зафіксавана рэкордная для выхадных дзён колькасць спробаў незаконнага пранікнення ў ЕС з Беларусі