28 лютага, Позірк. Прадстаўніца па нацыянальным адраджэнні Аб’яднанага пераходнага кабінета (АПК) Аліна Коўшык звярнулася з адкрытым лістом да кіраўніцтва мэсэнджэра “Тэлеграм” у сувязі з тым, што платформа змяніла паказ эмодзі з нацыянальнага беларускага бел-чырвона-белага сцяга на дзяржаўны чырвона-зялёны.
“Гэтая змена выключыла магчымасць беларусам выкарыстоўваць эмодзі з нашым нацыянальным сцягам, які быў важным інструментам для выказвання салідарнасці і павышэння ўсведамлення нашай барацьбы”, — цытуе Коўшык прэс-служба АПК.
“У сувязі з працяглым палітычным рэпрэсіямі, парушэннямі правоў чалавека і “абсалютнай адсутнасцю свабоды слова ў Беларусі” яна папрасіла аднавіць эмодзі: “Такі крок адправіў бы магутны сігнал нашай супольнасці і свету аб тым, што барацьба за вольную Беларусь прызнана і падтрымліваецца”.
