Дэмсілы перадалі МУС Польшчы прапановы па спрашчэнні легалізацыі беларусаў
11 студзеня, Позірк. Шэраг прапаноў, якія могуць спрасціць сітуацыю з легалізацыяй беларусаў у Польшчы, вядзеннем імі бізнесу і працоўнай дзейнасцю агулам, перадалі у Міністэрства ўнутраных спраў і адміністрацыі гэтай краіны прадстаўнікі Аб’яднанага пераходнага кабінета (АПК) 10 студзеня ў рамках візіта ў Варшаву.
Галоўны дарадца кіраўніцы АПК Святланы Ціханоўскай Франак Вячорка паведаміў “Позірку”, што адна з асноўных прапаноў звязана з неабходнасцю “комплекснага заканадаўчага рашэння” з боку Польшчы адносна беларускіх “дакументаў, апастылізацыі, даведак і заканадаўчых патрабаванняў аб некаральнасці”. Гэта актуальна ў святле ўказа Аляксандра Лукашэнкі № 278 ад 4 верасня 2023 года, згодна з якім замежныя ўстановы Беларусі пазбаўленыя магчымасці падаўжаць тэрмін дзеяння пашпарта беларускага грамадзяніна і выдаваць новыя дакументы.
Асобна беларускі бок прапанаваў польскім уладам разгледзець пытанне доўгатэрміновай легалізацыі беларусаў праз “гуманітарны дазвол на жыхарства, масавую міжнародную ахову ці нацыянальную часовую ахову, падобную да часовай аховы ЕС для украінцаў”.
Падрабязнасці даступныя падпісчыкам “Позірк+“
Спікер польскага сейма: Свабодная Беларусь — адзін са слупоў бяспекі Польшчы
9 студзеня, Позірк. "Свабодная, незалежная Беларусь, якая самастойна кіруецца і самавызначаецца, — гэта адзін са слупоў бяспекі Польшчы", — заявіў маршал польскага сейма Шымон Галоўня на прэс-канферэнцыі па выніках перамоў з беларускім дэмлідарам Святланай Ціханоўскай 9 студзеня ў Варшаве. "Мы мусім думаць …
Улады Польшчы маюць намер стварыць міжведамасную групу па рашэнні звязаных з Беларуссю пытанняў
9 студзеня, Позірк. Дамоўленасць пра стварэнне міжведамаснай рабочай групы па вырашэнні звязаных з Беларуссю пытанняў была дасягнутая на сустрэчы дэлегацыі Аб'яднанага пераходнага кабінета (АПК) на чале са Святланай Ціханоўскай з міністрам замежных спраў Польшчы Радославам Сікорскім 8 студзеня ў Варшаве. Паводле інфармацыі …
Па выніках перамоў з Ціханоўскай сейм і сенат Польшчы правядуць слуханні па Беларусі
9 студзеня, Позірк. Пытанні стварэння ў Польшчы беларускіх школ, вызвалення палітвязняў, падтрымкі еўрапейскага выбару Беларусі абмеркавала дэмакратычны лідар Святлана Ціханоўская на сустрэчы са спікерамі сейма і сената Польшчы Шыманам Галаўнёй і Малгажатай Кідава-Блоньскай. Як паведаміла 9 студзеня прэс-служба Ціханоўскай, польскі …
