Лукашэнка хоча “актывізацыі кантактаў” з Ліванам
22 лістапада, Позірк. “Мінск разглядае Бейрут як важнага партнёра на Блізкім Усходзе”, — заявіў Аляксандр Лукашэнка, віншуючы 22 лістапада прэзідэнта Лівана Жазэфа Ауна з Днём Незалежнасці.
Сёлета, перадае словы віншавальніка яго прэс-служба, краіны адзначылі 30-годдзе ўстанаўлення дыпламатычных адносін. За гэты час, паводле сцвярджэння Лукашэнкі, “сфарміраваная трывалая аснова для развіцця двухбаковай кааперацыі”.
“Добразычлівы характар беларуска-ліванскага супрацоўніцтва стварае неабходныя ўмовы для актывізацыі кантактаў і рэалізацыі новых сумесных праектаў у палітычнай, гандлёва-эканамічнай, гуманітарнай і адукацыйнай сферах на карысць абодвух народаў”, — гаворыцца ў пасланні.
У Ліване прэзідэнта абірае парламент. Пазіцыя кіраўніка дзяржавы была вакантнай два гады. 9 студзеня 2025 года камандуючы Узброенымі сіламі Жозэф Аун быў абраны прэзідэнтам, нягледзячы на канстытуцыйную забарону для суддзяў і дзяржаўных службоўцаў першай катэгорыі абірацца на гэтую пасаду на працягу тэрміна паўнамоцтваў.
Беларусь і Ліван усталявалі дыпламатычныя стасункі 21 сакавіка 1996 года. Ганаровае консульства Беларусі працуе ў Бейруце з чэрвеня 2002 года, аналагічная дыпламатычная ўстанова Лівана ў Мінску — з кастрычніка 2005-га. Амбасадаў няма. За прадстаўленне інтарэсаў Мінска ў Ліване адказвае амбасада Беларусі ў Сірыі.
Паводле інфармацыі МЗС Беларусі, паміж краінамі заключаны шэраг пагадненняў — аб гандлёвай і эканамічнай супрацы, аб садзейнічанні ажыццяўленню і абароне інвестыцый, аб прадухіленні двайнога падаткаабкладання, аб міжнародных аўтамабільных перавозках пасажыраў і грузаў, аб супрацы ў барацьбе са злачыннасцю, аб супрацы ў галіне вышэйшай адукацыі, аб супрацы ў галіне турызму. Аднак знешнепалітычнае ведамства не прыводзіць ніякіх даных, якія дазволілі б ацаніць узровень двухбаковага эканамічнага ўзаемадзеяння.
У той жа час паводле інфармацыі Абсерваторыі эканамічнай складанасці, якая акумулюе даныя міжнародных арганізацый пра сусветны знешні гандаль, узаемны тавараабарот паміж Мінскам і Бейрутам у 2023 годзе (апошняя даступная інфармацыя) склаў 12,77 млн долараў. Пры гэтым на беларускі экспарт прыпала 99,45% тавараабароту (12,7 млн), на пастаўкі з Лівана — 0,55% (70,2 тыс.). Мінск у асноўным пастаўляў партнёру металапракатныя нарыхтоўкі і неапрацаваны свінец, у адваротным кірунку ішлі тавары з катэгорыі “іншая агнястрэльная зброя”.
- Грамадства
- Грамадства
- Грамадства
- Грамадства
- Грамадства, Палітыка
- Палітыка
- Грамадства
- Грамадства, ПалітыкаЛатвія ўпершыню за восем месяцаў два дні запар не фіксуе актыўнасці мігрантаў ля мяжы з БеларуссюМатэрыял даступны толькі падпісчыкам ПОЗІРК+
- Грамадства
- Грамадства
- Грамадства, Палітыка
- Бяспека, Палітыка
- Грамадства
- Грамадства, Палітыка
- Грамадства
- Палітыка, Эканоміка
- Грамадства, Палітыка
- Грамадства, ПалітыкаДругі раз з пачатку лістапада суседнія краіны ЕС не зафіксавалі актыўнасці мігрантаў ля сваіх межаў з Беларуссю (падрабязна)Матэрыял даступны толькі падпісчыкам ПОЗІРК+
- Грамадства
- Грамадства, Эканоміка



