Зацверджанае пагадненне з Уругваем, закліканае стаць “асновай для паглыблення эканамічных сувязяў”

21 лістапада, Позірк. Пагадненне аб гандлёва-эканамічнай супрацы з Уругваем зацверджанае 20 лістапада ўказам № 413, паведамляе прэс-служба Аляксандра Лукашэнкі.
Сам двухбаковы дагавор быў заключаны 18 верасня ў сталіцы паўднёваамерыканскай дзяржавы — Мантэвідэа.
Каментуючы ўказ ад 15 верасня, якім быў ухвалены праект гэтага пагаднення, прэс-служба Лукашэнкі адзначала, што дакумент “скіраваны на стварэнне асновы для паглыблення эканамічных сувязяў дзвюх дзяржаў”.
У прыватнасці, у ім вызначаюцца “асноўныя мэты, сярод якіх садзейнічанне развіццю ўзаемадзеяння паміж суб’ектамі гаспадарання бакоў, абмену інфармацыяй пра гандлёвыя магчымасці і заканадаўства, якое мае прымяняцца, пашырэнню і дыверсіфікацыі гандлёвых патокаў”.
Пагадненнем таксама прадугледжваецца “стварэнне міжурадавай беларуска-ўругвайскай сумеснай камісіі па гандлёва-эканамічнай супрацы, замацоўваюцца яе асноўныя функцыі і парадак правядзення пасяджэнняў”.
З сакавіка 2025 года інтарэсы Беларусі ва Уругваі і Парагваі па сумяшчальніцтве прадстаўляе амбасадар у Бразіліі Андрэй Андрэеў. Уругвайскаму кіраўніцтву дыпламат даверчыя граматы пакуль не ўручаў.
У Мінску па сумяшчальніцтве акрэдытаваны амбасадар Уругвая ў Расіі (уручыў даверчыя граматы Лукашэнку 1 кастрычніка 2024 года).
Згодна з інфармацыяй на сайце амбасады ў Бразіліі, дыпламатычныя стасункі паміж Беларуссю і Уругваем усталяваныя 7 ліпеня 1992 года, узаемадзеянне паміж імі “ажыццяўляецца пераважна ў рамках міжнародных арганізацый”.
Даныя пра аб’ёмы двухбаковага гандлю не прыводзяцца.
- Грамадства
- Грамадства, Палітыка
- Грамадства
- Палітыка, Эканоміка
- Грамадства, Палітыка
- Грамадства, ПалітыкаДругі раз з пачатку лістапада суседнія краіны ЕС не зафіксавалі актыўнасці мігрантаў ля сваіх межаў з Беларуссю (падрабязна)Матэрыял даступны толькі падпісчыкам ПОЗІРК+
- Грамадства
- Грамадства, Эканоміка
- Грамадства, Палітыка
- Грамадства, Палітыка
- Грамадства
- Грамадства
- Эканоміка
- Грамадства
- Грамадства
- Грамадства
- Грамадства
- Эканоміка
- ЭканомікаІнвестыцыі ў асноўны капітал за дзесяць месяцаў выраслі ў гадавым вымярэнні на 10% (падрабязна)Матэрыял даступны толькі падпісчыкам ПОЗІРК+
- Грамадства, Палітыка



