Ціханоўская выступіць у Бруселі на Форуме парламенцкай дэмакратыі ЕС

Апублікавана на адкрытай версіі “Позірку” 29 верасня 2026 года ў 09:50

27 верасня, Позірк. Дэмакратычны лідар Святлана Ціханоўская выступіць 29 верасня на адкрыцці II Форуму парламенцкай дэмакратыі ЕС (EU Parliamentary Democracy Forum), паведаміў “Позірку” галоўны дарадца палітыка Франак Вячорка.

Форум пройдзе ў Брусэлі 29 верасня — 2 кастрычніка.

Пасля выступлення, паводле слоў Вячоркі, Ціханоўская возьме ўдзел у дыскусіі з віцэ-прэзідэнтам Еўрапарламента Эстэбанам Гансалесам Понсам.

У форуме будуць удзельнічаць каля 700 чалавек — дэпутаты Еўрапарламента і нацыянальных парламентаў еўрапейскіх краін, прадстаўнікі грамадзянскай супольнасці, моладзевых арганізацый і ўніверсітэтаў, эксперты.

Асноўныя тэмы форуму — абарона дэмакратыі і дэмакратычных інстытутаў, процідзеянне пагрозам выбарам, падтрымка грамадзянскай супольнасці, умацаванне супрацоўніцтва паміж Еўрапарламентам і нацыянальнымі парламентамі.

Форум парламенцкай дэмакратыі ЕС праводзіцца Еўрапарламентам. Упершыню прайшоў 19 лістапада 2025 года.