Мытня спыніла нелегальны ўвоз з Літвы партыі касметыкі

19 жніўня, Позірк. Аб спыненні нелегальнага ўвозу ў Беларусь камерцыйнай партыі касметыкі паведамляе Дзяржаўны мытны камітэт (ДМК).

Адзначаецца, што парушэнні выяўленыя ў пункце пропуску Каменны Лог (з літоўскага боку — Мядзінінкай), па зялёным калідоры якога рухаліся двое грамадзян Беларусі на аўтамабілі “Вольва S80”.

Паводле даных ДМК, яны заявілі, што не ўвозяць тавары, якія падлягаюць дэклараванню.

Аднак пры правядзенні мытнага кантролю сярод асабістых рэчаў кіроўцы і пасажыра мытнікі выявілі касметычныя сродкі — усяго больш за 200 адзінак коштам звыш 32 тыс. рублёў.

Мытня звяртае ўвагу, што без дэкларавання ў Беларусь дазволена ўвозіць тавары коштам да 500 еўра і вагой не больш за 25 кг.

Паведамляецца, што беларускія грамадзяне прыцягнутыя да адміністрацыйнай адказнасці, яны заплацілі штраф у памеры 10% ад кошту тавару.

Гл. таксама:

У Літве перахопленая найбуйнейшая ў 2026 годзе партыя нелегальных цыгарэт, у тым ліку з беларускімі акцызнымі маркамі

Мытня выкрыла намер польскага перавозчыка схаваць частку грузу

Мытня паведаміла пра затрыманне перавозчыка наркотыкаў, спаслаўшыся на “экстрэмісцкі” тэлеграм-канал праваабаронцаў

БЧ адправіла ў Азію цягнік з драўнінай, раней падобны шлях выкарыстоўваўся для абыходу санкцый