Дзяўчына шпіталізаваная пасля “ўспышкі газапаветранай сумесі” ў Слуцкім раёне — МНС

16 жніўня, Позірк. Пра “ўспышку газапаветранай сумесі” ўвечары 15 жніўня ў жылым доме ў вёсцы Міхейкі Слуцкага раёна (Мінская вобласць) паведаміла Міністэрства па надзвычайных сітуацыях.

Успышка, як адзначаецца, не прывяла да “наступнага гарэння” дома, што належыць мясцовай жыхарцы 1984 года нараджэння.

Паведамляецца, што апёкі атрымала дзяўчына 2005 г.н., якая знаходзілася ў гасцях, яна шпіталізаваная.

“Апорныя канструкцыі дома не пашкоджаныя. Прычына ўспышкі высвятляецца”, — адзначае МНС.