6 жніўня, Позірк. Пяць тэмпературных рэкордаў жніўня, у тым ліку 121-гадовай даўніны, перакрыты мінулым днём на метэастанцыях Беларусі, сведчыць праведзены “Позіркам“ параўнальны аналіз аператыўных і даступных архіўных (па 48 станцыях) даных Белгідрамета.
Найбольш стары рэкорд месяца, а таксама дня быў перапісаны ў Пінску — 37,9 супраць 36,3 градуса 5 жніўня 1905 года.
Абнавіліся жнівеньскія экстрэмумы ў Брэсце — 37,4 градуса (36,7 градуса 9 жніўня 2015 года), на станцыі “Палеская“ ў Лунінецкім раёне — 37,3 (35,8 градуса 11 жніўня 1992-га), у Жыткавічах — 36,7 (36,5 градуса 16 жніўня 2008-га) і Пружанах — 36 (35,9 градуса 9 жніўня 2015-га).
Паўтарыўся рэкорд месяца ў Высокім — 36,5 (9 жніўня 2015-га).
У 18 гарадах перакрытыя максімумы дня.
Абсалютны рэкорд дня для ўсёй тэрыторыі краіны таксама абнавіўся: 38,1 градуса ў Століне супраць 37,5 у Касцюковічах у 2010 годзе.
6 жніўня чакаецца да 40 градусаў вышэй за нуль. Рэкорд дня — 38,7 (у 2010 годзе ў Горках), месяца — 38,9 (8 жніўня 2010-га ў Гомелі), гістарычны — 40,4 (29 чэрвеня 2026-га ў Пінску).
