Долар і юань падаражэлі на першых біржавых таргах тыдня
27 ліпеня, Позірк. Амерыканская і кітайская валюты падаражэлі на таргах Беларускай валютна-фондавай біржы 27 ліпеня.
Курс долара вырас да 2,8827 (+0,08%; +0,0022), юаня — да 4,2572 за 10 (+0,02%; +0,0007).
Расійскі рубель патаннеў да 3,6865 за 100 (-0,003%; -0,0001).
Таргі еўра не праводзіліся. 24 ліпеня агульная еўрапейская валюта патаннела да 3,2715 (-0,56%; -0,0185).
На мінулым працоўным тыдні (20–24 ліпеня) курс долара знізіўся на 0,46% (з 2,8938 да 2,8805 рубля), еўра — на 1,24% (з 3,3126 да 3,2715), юаня — на 0,38% (з 4,2729 да 4,2565 за 10), расійскага рубля — на 0,26% (з 3,6963 да 3,6866 за 100).
Па выніках першага паўгоддзя 2026 года афіцыйны курс долара ў Беларусі вырас на 0,13% (з 2,9027 да 2,9066 рубля).
Як паказаў праведзены “Позіркам“ параўнальны аналіз каціровак цэнтральных банкаў, паводле гэтага паказчыка Беларусь сярод краін былога СССР заняла восьмае месца пасля Украіны — 5,80% (з 42,3878 да 44,8478 грыўні), Малдовы — 5,21% (з 16,7925 да 17,6669 лея), Латвіі, Літвы, Эстоніі — 3,13% (з 0,8511 да 0,8777 еўра), Узбекістана — 0,30% (з 12.025,33 да 12.060,84 сума) і Таджыкістана — 0,17% (з 9,2513 да 9,2674 самані).
Менш, чым у Беларусі, долар падаражэў у Расіі — на 0,05% (з 78,2267 да 78,2696 рубля) і Кыргызстане — на 0,04% (з 87,4177 да 87,45 сома).
Амерыканская валюта патаннела ў Арменіі — на 3,53% (з 381,36 да 367,89 драма), Казахстане — на 3,33% (з 502,57 да 485,82 тэнге) і Грузіі — на 1,85% (з 2,6951 да 2,6693 лары).
