Падчас рэканструкцыі ў Дзятлаве знойдзена каля 3 кг ртуці, небяспечную знаходку забрала МНС
27 чэрвеня, Позірк. Шэсць герметычных ёмістасцяў з ртуццю знайшлі 27 чэрвеня ў Дзятлаве (Гродзенская вобласць) рабочыя, якія праводзілі рэканструкцыю ў будынку на вул. Перамогі, паведамляе прэс-служба Міністэрства па надзвычайных сітуацыях.
Адзначаецца, што работнікі МНС вынялі ёмістасці, у якіх было агулам каля 3 кг ртуці.
“Разліву ртуці не здарылася. Пацярпелых няма, пагроза для людзей і навакольнага асяроддзя адсутнічае”, — заявіла ведамства.
