Пенсіянер патануў у Камсамольскім возеры ў Мінску

21 чэрвеня, Позірк. Пра ўтапленне пенсіянера ў Мінску паведамляе Міністэрства па надзвычайных сітуацыях.

Адзначаецца, што інфармацыя пра мужчыну, які тоне ў Камсамольскім возеры, паступіла ў ведамства 20 чэрвеня ў 19:10.

Грамадзянін 1958 года нараджэння быў выняты з вады супрацоўнікамі МНС.

Яго смерць была канстатаваная брыгадай хуткай дапамогі пасля правядзення рэанімацыйных мерапрыемстваў, гаворыцца ў паведамленні.

Згодна з інфармацыяй Рэспубліканскага таварыства ратавання на водах (ТРВОД), у 2025 годзе зарэгістраваныя 492 здарэнні на вадаёмах, у тым ліку 54 — з непаўналетнімі (у 2024-м — 586 і 75 адпаведна; -16% і -28%).

Ад утапленнязагінулі 278 чалавек (368; -24,5%), у тым ліку 12 непаўналетніх (22; -45,5%).

Паводле звестак ТРВОД, за 3 месяцы 2026 года ў Беларусі ад утаплення загінулі 24 чалавекі (шасцёра — на закрытых тэрыторыях).