Памежнікі Польшчы не далі суайчынніку перагнаць у Беларусь “Мэрсэдэс”, які знаходзіўся ў вышуку
9 чэрвеня, Позірк. У пункце пропуску Цярэспаль (з беларускага боку — Брэст) памежнікі Польшчы знайшлі і вынялі аўтамабіль “Мэрсэдэс” 2024 года выпуску, які знаходзіўся ў польскім вышуку.
Паводле інфармацыі Памежнай аховы Польшчы, за стырном аўтамабіля коштам каля 300 тыс. злотых (прыкладна 82 тыс. долараў) у Беларусь спрабаваў выехаць 53-гадовы паляк.
Распачатае дасудовае расследаванне. Кіроўца і аўтамабіль перададзеныя супрацоўнікам паліцыі ў Тэрэспалі для правядзення далейшых працэсуальных дзеянняў.
Адзначаецца, што ад пачатку 2026 года супрацоўнікі Надбужанскага аддзела Памежнай аховы (мяжа з Беларуссю і Украінай) выявілі і вынялі 66 транспартных сродкаў, агульны кошт якіх перавышае 7 млн злотых (больш за 1,9 млн долараў).
