31 жніўня, Позірк. Аб павышэнні 2 верасня раздробных цэн маторнага паліва на беларускіх аўтазаправачных станцыях на 1 капейку паведамляе дзяржаўны канцэрн “Белнафтахім“.
Новая цана за адзін літр складзе: АІ-92 — 2,61 рубля; АІ-95 — 2,71; АІ-98 — 2,93; дызельнае паліва — 2,71.
Папярэдні раз “Белнафтахім” падвышаў цэны 5 жніўня (на капейку).
Раней цэны на паліва павялічваліся 28 сакавіка (на 4 капейкі), 4 красавіка (на 3 капейкі), 24 чэрвеня (на капейку) і 8 ліпеня (на капейку).
Дагэтуль цэны не падымаліся амаль 11 месяцаў запар.
У чэрвені 2026 года Беларусь знаходзілася на другім месцы ў Еўразійскім эканамічным саюзе (ЕАЭС) па цане аўтамабільнага паліва, сведчыць праведзены “Позіркам“ аналіз штоквартальных даных Еўразійскай эканамічнай камісіі (ЕЭК).
Найбольш дарагі бензін у справаздачным месяцы быў у Арменіі — 1,32 долара за літр (у сакавіку — столькі ж). Далей: Расія — 0,98 (0,83), Кыргызстан — 0,96 (0,88), Беларусь — 0,94 (0,88), Казахстан — 0,49 (0,48).
Дызельнае паліва даражэй за ўсё прадавалася таксама ў Арменіі — 1,27 долара за літр (1,27). Далей: Расія — 1,15 (0,97), Кыргызстан — 1,07 (0,91), Беларусь — 0,96 (0,9), Казахстан — 0,69 (0,67).
