Жыхар Гродзенскага раёна паўторна прыцягнуты да адказнасці за продаж насваю

3 траўня, Позірк. Аб прыцягненні да адказнасці 38-гадовага жыхара Гродзенскага раёна, які “трапіўся на продажы насваю паўторна”, паведамляе Міністэрства ўнутраных спраў.

Дома ў мужчыны, як адзначаецца, “выяўлена і канфіскавана 5 кг некурыльнага тытунёвага вырабу насвай”.

“Тавар” мужчына самастойна прывёз з суседняй краіны для далейшай рэалізацыі”, — гаворыцца ў паведамленні.

У дачыненні да фігуранта складзены адміністрацыйны матэрыял.

“Раней ён ужо трапляў у поле зроку міліцыі за аналагічнае дзеянне”, — паведаміла ведамства.

МУС нагадала, што ў Беларусі забароненыя вытворчасць і абарот некурыльных тытунёвых вырабаў, вырабленых з тытуню і шчолачнага кампанента.

29 сакавіка паведамлялася аб выяўленні ў 34-гадовага жыхара Гродзенскага раёна 10 кг насваю.

“Устаноўлена, што “тавар” мужчына замовіў у суседняй краіне. Частка партыі прызначалася для рэалізацыі, астатняе — для асабістага спажывання”, — адзначала МУС.

У дачыненні да парушальніка быў складзены адміністрацыйны пратакол. Заяўлялася, што раней мужчына “неаднаразова трапляў у поле зроку міліцыянтаў за аналагічныя дзеянні”.

Гл. таксама:

У жыхара Жлобіна канфіскавана больш за 5 кг насваю

У гаражы жыхара Мінска выяўлена 660 кг насвая