Долар, расійскі рубель і юань падаражэлі на апошніх біржавых таргах красавіка
30 красавіка, Позірк. Амерыканская, расійская і кітайская валюты падаражэлі на таргах Беларускай валютна-фондавай біржы 30 красавіка 2026 года.
Курс долара вырас да 2,8267 рубля (+0,13%; +0,0037), расійскага рубля — да 3,7737 за 100 (+0,14%; +0,0054), юаня — да 4,1384 за 10 (+0,15%; +0,0064).
Таргі еўра не праводзіліся. 29 красавіка ён падаражэў да 3,288 (+0,29%; +0,0094).
На адыходзячым скарочаным працоўным тыдні (27–30 красавіка) курс долара вырас на 0,27% (з 2,8192 да 2,8267), еўра — на 0,45% (з 3,2734 да 3,288), расійскага рубля — на 0,53% (з 3,7538 да 3,7737 за 100); юаня — знізіўся на 0,04% (з 4,1401 да 4,1384 за 10).
За першы квартал 2026 года Беларусь заняла восьмае месца паводле росту афіцыйнага курсу долара да нацвалюты — 1,66% (з 2,9027 да 2,9508 рубля), сведчыць праведзены “Позіркам” параўнальны аналіз каціровак цэнтрабанкаў. Наперадзе Малдова — 5,10%, Расія — 3,92%, Таджыкістан — 3,75%, Украіна — 3,32%, Латвія, Літва і Эстонія — 2,19%.
